الصفحة الرئيسية › ثقافة

ثقافة رسالة مفتوحة من تونس الى عقول خير امة.. بقلم المسرحي نور الدين الورغي

بقلم المسرحي نور الدين الورغي

رسالة مفتوحة من تونس الى عقول خير امة..

إجري يا محمّد
لا، موش انت يا سي محمّد العيد
موش انت يا سي محمّد السّعيد
موش انت يا سي محمّد المحموق
موش انت يا سي محمّد المحروق
موش انت يا سي محمّد المسروق ..

موش انت يا سي محمّد الحامد
موش انت يا سي محمّد الخامد
موش انت يا سي محمّد الجّامد
موش انت يا سي محمّد الهامد
موش انت يا سي محمّد اللاّبد ..

موش انت يا سي محمّد المجروح
موش انت يا سي محمّد المذبوح
موش انت يا سي محمّد المفضوح ..

موش انت يا سي محمّد الخالي
الشاعر في الرَّبع الخالي ..

موش انت يا ولد الخال
قلاّب الفيستة ومكمّل السّروال ..

موش انت يا سي محمّد المُسْـتَـتِـرْ
موش انت يا سي محمّد المُسْتَـــمِـرّ
موش انت يا سي محمّد المُسْتَــقِــرّ
موش يا سي محمّد تـِــرّ فــِــرّ ..

إجري
الكلام ضاع هـــتـِــر..
أمّاليك شربو ماء الصحراء
شــيّحو تراب البحر
خلّو الواحد على شيرة
وشنقو أرواحهم بالـــصّفـرْ..

من مسرحيـتـي " " محمّد الدّرة " ألّـفـتـها وقدّمتها سنة2002